У Беларусі падрыхтуюць прапановы па пашырэнні паўнамоцтваў урада і мясцовых органаў улады

У Беларусі створана міжведамасная рабочая група для падрыхтоўкі прапаноў па пашырэнні паўнамоцтваў урада і мясцовых органаў улады. Гэта прадугледжана распараджэннем прэм'ер-міністра ад 4 верасня 2020 года нумар 176р, паведамілі БЕЛТА ў прэс-службе ўрада. Рабочай групе даручана да 20 верасня правесці комплексны аналіз заканадаўства па пытаннях адміністрацыйна-тэрытарыяльнага ўладкавання, зацвярджэння генеральных планаў, архітэктурнай і горадабудаўнічай дзейнасці, найменняў адміністрацыйна-тэрытарыяльных адзінак, устанаўлення мясцовай геральдыкі, узгаднення кадравых назначэнняў, устанаўлення колькасці і структуры мясцовых выканаўчых і распарадчых органаў. Члены групы таксама прааналізуюць заканадаўства па адабранні і прадастаўленні зямельных участкаў, рабоце з дзяржаўнай маёмасцю, іншых пытаннях, што прадугледжваюць уключэнне ў іх вырашэнне кіраўніка дзяржавы. Таксама міжведамаснай рабочай групе неабходна выпрацаваць на аснове праведзенага аналізу сістэмныя прапановы па пашырэнні паўнамоцтваў урада і мясцовых органаў улады. Кіраўніком групы будзе першы намеснік прэм'ер-міністра Мікалай Снапкоў. Па матэрыялах сайта БЕЛТА.