Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Ваўкавыскі раённы выканаўчы камітэт
Галоўная / Навiны / Навiны рэспублiкi
25.10.2021

Міністэрства аховы здароўя растлумачыла сістэматызацыю патрабаванняў да процікавідных мерапрыемстваў

Міністэрства аховы здароўя растлумачыла пастанову нумар 111 ад 20 кастрычніка 2021 года "Аб змяненні пастановы Міністэрства аховы здароўя Рэспублікі Беларусь ад 29 снежня 2012 года нумар 217", паведамляе БЕЛТА са спасылкай на Telegram-канал Міністэрства аховы здароўя. Як адзначылі ў ведамстве, пастанова падрыхтавана для сістэматызацыі патрабаванняў да правядзення санітарна-проціэпідэмічных мерапрыемстваў па папярэджанні распаўсюджвання інфекцыі COVID-19 на тэрыторыі Беларусі. "У дакуменце актуалізаваны санітарна-проціэпідэмічныя мерапрыемствы ў перыяд рэгістрацыі выпадкаў інфекцыі COVID-19. Размова ідзе аб забеспячэнні кантролю з боку кіраўнікоў аб'ектаў і арганізацый за тым, як выкарыстоўваюцца сродкі аховы органаў дыхання работнікамі і фізічнымі асобамі. У тым ліку пры адсутнасці магчымасці арганізацыі ўмоў для захавання сацыяльнай дыстанцыі (1-1,5 м)", - расказалі ў Міністэрстве аховы здароўя. У бальнічных арганізацыях аховы здароўя павінен быць распрацаваны план арганізацыі работы ў рэжыме, які забяспечвае выкананне ўмоў інфекцыйнага стацыянара. Неабходна таксама распрацаваць схемы заніравання ў амбулаторна-паліклінічных і бальнічных арганізацыях з захаваннем лагістыкі перамяшчэння пацыентаў і работнікаў. "Выключана патрабаванне да абавязковасці выкарыстання фізічнымі асобамі сродкаў індывідуальнай аховы пры наведванні аб'ектаў, арганізацый, аўтамабільнага, за выключэннем аўтамабіляў асабістага карыстання, паветранага, воднага, чыгуначнага транспарту, уключаючы метрапалітэн", - дадалі ў Міністэрстве аховы здароўя. Па матэрыялах сайта БЕЛТА.