Лукашэнка і Пуцін дамовіліся аб цане на газ для Беларусі ў 2022 годзе

Прэзідэнты Беларусі і Расіі Аляксандр Лукашэнка і Уладзімір Пуцін дамовіліся, што цана на газ для Беларусі ў 2022 годзе застанецца на ўзроўні 2021 года, паведамляе ТАСС са спасылкай на прэс-сакратара расійскага лідара Дзмітрыя Пяскова. "Было вырашана, што цана на газ для Беларусі ў 2022 годзе не будзе індэксавана і захаваецца на ўзроўні 2021 года", - паведаміў журналістам у аўторак Дзмітрый Пяскоў. Паведамляецца, што прэзідэнты таксама дамовіліся аб крэдытнай падтрымцы Беларусі ў сувязі з падатковым манеўрам у Расіі. Дзмітрый Пяскоў адзначыў, што кіраўнікі дзяржаў на сустрэчы грунтоўна абмяняліся меркаваннямі па міжнароднай абстаноўцы і рэгіянальных праблемах. Паводле слоў прэс-сакратара, на сустрэчы былі падведзены вынікі дыскусій, якія раней мелі месца ў рамках камісій высокага ўзроўню з удзелам расійскіх і беларускіх прадстаўнікоў і кіраўнікоў урадаў дзвюх краін. Прэзідэнты выпрацавалі крокі па рабоце ў такіх галінах, як мытнае, падатковае рэгуляванне, энергетыка. Лідары закраналі і тыя пытанні, якія акцэнтаваліся ў адкрытай для СМІ частцы, дадаў Дзмітрый Пяскоў. Па матэрыялах сайта БЕЛТА.