Афіцыйны сайт
23 студзеня 2021

Ісачанка: ініцыятывы па развіцці сельскай гаспадаркі павінны падтрымлівацца больш актыўна

Намеснік старшыні Савета Рэспублікі Анатоль Ісачанка сёння выступіў перад слухачамі, якія знаходзяцца ў кадравым рэзерве кіруючых работнікаў і спецыялістаў, Інстытута павышэння кваліфікацыі і перападрыхтоўкі кадраў АПК Беларускага дзяржаўнага аграрнага тэхнічнага ўніверсітэта. Аб гэтым БЕЛТА паведамілі ў прэс-службе верхняй палаты беларускага парламента.

Анатоль Ісачанка адзначыў неабходнасць падтрымкі сучасных ініцыятыў, якія могуць стаць драйверам развіцця канкрэтных гаспадарак і галіны ў цэлым.

"Аграпрамысловы комплекс з'яўляецца важнейшым элементам эканомікі Беларусі, і дзяржава зацікаўлена ў тым, каб прыцягваць у яго высокакваліфікаваных прафесіяналаў, людзей, якія думаюць пра заўтрашні дзень і гатовы прапаноўваць і рэалізаваць сучасныя падыходы", - падкрэсліў намеснік старшыні Савета Рэспублікі.

Па матэрыялах сайта БЕЛТА.