Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Ваўкавыскі
раённы
выканаўчы
камітэт

Ахова здароўя

Установа аховы здароўя "Ваўкавыская цэнтральная раённая бальніца"

231900, г. Ваўкавыск, вул. Барычэўскага, 1А
тэл./факс (01512) 6-20-10 
e-mail:mail@volrb.by
Сайт: https://volrb.by 




































ТЭЛЕФОНЫ: 
Запіс на прыём да ўрача: (01512) 5-90-33 
Рэгістратура гарадской паліклінікі: (01512) 6-80-45
Рэгістратура дзіцячай паліклінікі: (01512) 4-30-00, 4-54-32
Рэгістратура стаматалагічнай паліклінікі: (01512) 6-77-08, 5-66-33 
Рэгістратура раённай паліклінікі: (01512) 5-90-33 
Тэлефон даверу: (01512) 5-90-35

Медыцына Ваўкавыскага раёна мае сваю багатую гісторыю

Да 1939 года на тэрыторыі Ваўкавыскага раёна (павета) функцыянавалі тры бальніцы на 80 стацыянарных коек, у тым ліку: яўрэйская, прыватная і гарадскі шпіталь. Медыцынскую дапамогу насельніцтву аказвалі дзесяць прыватна практыкуючых урачэй.
 
Пасля вызвалення Заходняй Беларусі, у верасні месяцы 1939 года дадаткова да ўжо існуючых медыцынскіх устаноў, дадалася дзяржаўная бальніца на восемдзесят коек, у будынку якой у цяперашні час размешчаны Ваўкавыскі супрацьтуберкулёзны дыспансэр.
 
Пасля вызвалення горада Ваўкавыска ад нямецка-фашысцкіх захопнікаў пачалося аднаўленне і пашырэнне сеткі ўстаноў аховы здароўя. Адноўлена гарадская бальніца на 30 коек, першым галоўным урачом якой з 23.07.1944 г. быў урач-хірург Сцяпан Сідарук, адкрыты радзільны дом на 20 месцаў.
 
30 жніўня 1944 года быў арганізаваны супрацьтуберкулёзны пункт, загадчыкам якога быў урач А.Д. Гарбацэвіч. У 1952 годзе супрацьтуберкулёзны пункт быў ператвораны ў супрацьтуберкулёзны дыспансэр на 30 месцаў, а ў 1963 годзе пашыраны да 110 коек. Першым галоўным урачом супрацьтуберкулёзнага дыспансэра быў выдатны арганізатар, таленавіты ўрач В.І. Скачэўскі, які 20 гадоў узначальваў дадзеную лячэбную ўстанову і зрабіў шмат для зніжэння захворвання на туберкулёз ў раёне.
 
Жнівень 1944 года - адкрыццё санітарнай станцыі пад кіраўніцтвам фельчара І.І. Ярмаловіча.

2 лютага 1945 года - адкрыццё скурна-венералагічнага пункта, які ўзначаліла Е.Д. Урынава. У 1963 годзе ён рэарганізаваны ў скурна-венералагічны дыспансэр на 30 коек.
 
На працягу 1944-1945 гг. у сельскай мясцовасці арганізаваны і пачалі працу сем урачэбных участкаў: Роскі, Iзабелінскі, Воўпаўскі, Краснасельскі, Гудзевіцкі, Мсцібаўскі і Вярэйкаўскі.
 
Кіраўнікамі аховы здароўя Ваўкавыскага раёна ў розныя гады былі:
Косціна Вера Іванаўна – загадчыца Ваўкавыскага райздраўаддзела 1944-1953 гг.,
Зіміна М.А. – загадчыца Ваўкавыскага райздраўаддзела 1953-1957 гг.,
Кірыльчык Мікалай Тарасавіч – галоўны ўрач 1957-1972 гг.,
Вальчук Эдуард Антонавіч – галоўны ўрач 1972 г.,
Музычка Іван Мікалаевіч – галоўны ўрач 1972-1977 гг.,
Харэвіч Мечыслаў Адольфавіч – галоўны ўрач 1977-1997 гг.,
Кухарчык Віктар Іванавіч – галоўны ўрач 1997-2002 гг.,
Цімошка Галіна Раманаўна – галоўны ўрач 2002-2008 гг.,
Мількамановіч Аляксандар Люцыянавіч – галоўны ўрач 2008-2010 гг.
Нарута Аляксандар Мікалаевіч - галоўны ўрач 2011-2018 гг.
у цяперашні час - Грыцкевіч Алена Збігнеўна.

Грицкевич Елена Збигневна






























У 1963 годзе раённая бальніца была пераведзена на базу былога пагранічнага атрада, дзе размяшчаецца да гэтага часу.
 
Праляцелі гады, дзесяцігоддзі. Увесь гэты час праводзілася работа па ўмацаванню матэрыяльна-тэхнічнай базы, пашырэнню аддзяленняў стацыянара, развіццю спецыялізаваных відаў медыцынскай дапамогі. Пабудаваны новыя будынкі: раённая і стаматалагічная паліклінікі, акушэрска-гінекалагічны корпус, Роская гарадская бальніца.
 
У цяперашні час ва УАЗ «Ваўкавыская ЦРБ» разгорнута 522 койкі, у тым ліку 427 койкі ў цэнтральнай раённай бальніцы з 14 спецыялізаванымі аддзяленнямі, гарадская бальніца з паліклінікай у г.п. Рось на 55 коек, Краснасельская паліклініка, 25-коечныя Вярэйкаўская і Матвеяўская ўчастковыя бальніцы, а таксама Гнезнаўская і Воўпаўская бальніцы сястрынскага догляду, Падароская амбулаторыя ўрача агульнай практыкі, чатыры паліклінікі: раённая (на 663 наведванні), гарадская (на 100 наведванняў), дзіцячая (на 100 наведванняў) і стаматалагічная (на 250 наведванняў), 16 фельчарска-акушэрскіх пунктаў. Пяць аддзяленняў раённай бальніцы з'яўляюцца міжраённымі, аказваюць дапамогу жыхарам Свіслацкага, Зэльвенскага і Слонімскага раёнаў:
- перынатальны цэнтр II узроўню;
- цыталагічная лабараторыя;
- скурна-венералагічнае аддзяленне;
- траўматалагічнае аддзяленне;
- аддзяленне гемадыялізу.