Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Ваўкавыскі
раённы
выканаўчы
камітэт

Навiны рэспублiкi

3 снежня 2019

У Беларусі змяніліся межы Брэсцкай, Гродзенскай і Мінскай абласцей

Беларусі з 1 снежня змяніліся межы Брэсцкай, Гродзенскай і Мінскай абласцей. Гэта прадугледжана ўказам ад 15 сакавіка 2019 года нумар 104, паведамілі БЕЛТА ў прэс-службе Дзяржаўнага камітэта па маёмасці.

На падставе ўказа межы гэтых абласцей і іх раёнаў былі зарэгістраваны ў Адзіным рэестры адміністрацыйна-тэрытарыяльных і тэрытарыяльных адзінак Беларусі.

Самая актуальная інфармацыя даступна на публічнай кадастравай карце Беларусі. Цяпер прасторавая інфармацыя сфарміравана на тры вобласці і 55 раёнаў (16 - Брэсцкая вобласць, 22 - Мінская і 17 - Гродзенская). Дадаткова былі прыведзены ў адпаведнасць межы сельскіх Саветаў, якія знаходзяцца на стыку названых абласцей і раёнаў.

Межы Брэсцкай, Мінскай і Гродзенскай абласцей былі ўстаноўлены больш як 60 гадоў таму, у 1950-я гады, графічным спосабам на аснове існаваўшага на той час картаграфічнага матэрыялу. З цягам часу з-за меліярацыйных і культуртэхнічных работ, будаўніцтва аб'ектаў транспартнай інфраструктуры межы перасталі супадаць з цвёрдымі контурамі мясцовасці (рэкамі, меліярацыйнымі каналамі, дарожнай сеткай, ляснымі масівамі, прасекамі і іншымі). З гэтым звязана неабходнасць змяненняў.

Па матэрыялах сайта БЕЛТА.