У Беларусі дадзены старт акцыі " Пасланне ветэрану"

У Нацыянальным цэнтры мастацкай творчасці дзяцей і моладзі ў рэжыме анлайн адбылося пасяджэнне Рэспубліканскага каардынацыйнага савета моладзевых парламентаў. На яго палях дадзены старт рэспубліканскай акцыі "Ліст ветэрану", паведамілі БЕЛТА ў цэнтры.     Напярэдадні святкавання 75-годдзя Вялікай Перамогі маладыя парламентарыі выступілі з ініцыятывай павіншаваць ветэранаў Вялікай Айчыннай вайны, адправіўшы ва ўсе куткі краіны паштоўкі, распрацаваныя на аснове малюнкаў пераможцаў і прызёраў рэспубліканскага конкурсу "Салют Перамогі!".     Удзельнікі пасяджэння таксама намецілі перспектывы і абмеркавалі планы дзейнасці Савета па кожным кірунку: інфармацыйнае прасоўванне, міжнароднае супрацоўніцтва, сацыяльныя ініцыятывы і развіццё школьнага самакіравання. У ліку задач, якія ставяць перад сабой моладзевыя парламентарыі, - фарміраванне сацыяльнай і грамадзянскай актыўнасці дзяцей і моладзі, падрыхтоўка іх да ўдзелу ў жыцці дзяржавы і грамадства, а таксама ўсведамлення сваёй ролі ў ім.     У склад каардынацыйнага савета ўваходзяць ініцыятыўныя, крэатыўныя, мэтанакіраваныя Падлеткі з усіх абласцей і горада Мінска. Па матэрыялах сайта БЕЛТА.